Category Archives: គំនិត-យោបល់ខ្ញុំ

Gallery

រួមចំនែកគិត​ពីការអភិវឌ្ឍន៍​នៅ​ស្រុកកំនើត…

This gallery contains 2 photos.

សំរាប់​ស្រុក​ស្អាង​របស់​ខ្ញុំ, ក្រោយការ​បោះឆ្នោត​ឃុំ សង្កាត់​រួច ជាដំនឹងល្អ ឮសូរថា រដ្ឋយើង​នឹង​ស្ថាបនា​ស្ពានឆ្លង​កាត់​ទន្លេ​បាសាក់​ ដល់​ទៅ​ពីរ​កន្លែង៖ ស្ពានទី១ ឆ្លងទៅ​កោះ​អន្លង់ចិន និង​ស្ពានទី២ ឆ្លងទៅកោះ​ខ្សាច់​ទន្លា…។ បើ​ពិត​ជា​អញ្ចឹង​មែន នេះជាឳកាសមាស​សំរាប់​​អ្នក​ស្រុក​ស្អាង​របស់​ខ្ញុំ បើ​ទោះ​ជា​ពួក​គេ​ភាគ​ច្រើន ​បាន​សំរេច​ចិត្ត មិន​គាំទ្រ​មេ​ឃុំ​របស់​រាជ​រដ្ឋាភិបាល ដ៏​គួរ​អោយ​សោក​ស្តាយ​​ក៏​ដោយ…។ ភូមិសាស្រ្ត​កោះអន្លង់ចិន កោះអន្លង់ចិន គឺជាកោះទីមួយ​ ស្ថិត​នៅ​ដើមគេនៃ​ដង​ទន្លេ​បាសាក់ និង​​ស្ថិត​នៅ​មិន​ឆ្ងាយ​ប៉ុន្មាន​ពីស្ពាន​ព្រែក​សំរោង។​ ដីកោះទាំងមូល បង្កើត​បាន​ជា​ឃុំ​មួយ​ឈ្មោះ ឃុំកោះអន្លង់ចិន និង​ត្រូវបាន​បញ្ចូល​អោយ​ស្ថិត​ក្រោម​រដ្ឋបាល​គ្រប់​គ្រង​​របស់​ស្រុក​ស្អាង ដែល​ស្ថិត​នៅ​ប៉ែក​មាត់​ច្រាំង​ខាង​លិច​នៃ​កោះ។ ឯមាត់ច្រាំង​ខាង​កើត​ទល់​មុខកោះ​ ស្ថិត​នៅ​​ចំស្រុក​កៀនស្វាយ (ប៉ែកខាងក្រោម) និង​ចំខ័ណ្ឌច្បារ​អំពៅ រាជធានី​ភ្នំពេញ (ប៉ែកខាង​លើ)។ ផ្អែក​តាម​ទីតាំង​ភូមិសាស្រ្ត​អំនោយ​ផល​ដ៏​ល្អ​បែប​នេះ ខ្ញុំ​គិត​ថា ប្រសិន​បើ​មានស្ពានបេតុង​​លូន​ទៅរក​កោះនេះមែននោះ ​សក្តានុពលនៃ​ការ​អភិវឌ្ឍន៍សំរាប់​អ្នក​ស្រុក​កោះ គឺ​លែង​ស្ថិត​នៅ​​​ឆ្ងាយ​ពី​ដៃ​ ដូច​ពី​មុន​ទៀត​ហើយ។ អ្វី​ដែល​ខ្ញុំ​មើល​ឃើញ គឺកោះ​មួយ​នេះ​ច្បាស់​ជា​នឹង​ទាក់​ទាញអ្នក​ជំនួញធំៗ … Continue reading

Gallery

ប្រវត្តិ និង​រឿងរ៉ាវ​នានា ទាក់​ទង​នឹង​ការ​បោះឆ្នោត​​នៅ​​ស្រុក​ម្តាយខ្ញុំ…

This gallery contains 4 photos.

សំគាល់៖ អត្ថបទនេះ ខ្ញុំសរសេរឡើងទាក់​ទង​នឹង​​ជុំវិញហេតុការណ៍​​បោះ​ឆ្នោត​​ក្នុង​ឃុំខ្ពប​មួយ​ប៉ុណ្ណោះ ដោយ​មិន​ឆ្លុះ​បញ្ចាំងពី​ទិដ្ឋភាព​ទូទៅ​នៃ​ឃុំនានា​ដទៃ​ទៀត ដែល​ CPP ចាញ់​សំលេង​ឆ្នោត CNRP ឡើយ…។ ភាពឈ្នះ-ចាញ់ គឺ​អាស្រ័យ​ដោយ​កត្តា​ច្រើន​យ៉ាង តែនៅ​ឃុំ​ខ្ពប ខ្ញុំ​រក​ឃើញ​ភាពឈ្នះ-ចាញ់ តែ​ប៉ុន្មាន​ចំនុច​ដែល​​ខ្ញុំ​បាន​សរសេរ​រៀប​រាប់​​ត្រួសៗ នៅ​ក្នុង​អត្ថបទ​នេះ… _________________ អស់​លោក​អ្នក​ប្រាកដ​ជា​ជ្រាប​​ហើយ​ថា ម្តាយ​ខ្ញុំ​កំពុង​រស់​នៅ​ក្នុង​ឃុំខ្ពប ដែល​ជា​ឃុំ​មួយ​នៃ​ស្រុក​ស្អាង​ ខេត្តកណ្តាល។ កាល​ពី​ក្នុង​សម័យ​ ប៉ុលពត គ្រប់​គ្រង, ឈ្មោះ​ឃុំ​ខ្ពប គឺត្រូវ​បាន​រក្សា​ទុក​​អោយ​នៅ​ដដែល តែ​ពួក​គេ​បាន​ដូរ​ឈ្មោះ​ស្រុក និង​លុប​ឈ្មោះ​ខេត្ត អោយ​ទៅជា​ស្រុក ២០ តំបន់ ២៥ ភូមិភាគ​នារតី វិញ…។ ព័ត៌មាន​ដែល​ខ្ញុំ​ប្រមូល​បាន​មកនេះ មាន​ភាព​ខ្វះ​ចន្លោះ​ច្រើន។ ដូចនេះ ប្រសិន​បើ​មានសាក្សី​រស់​ដឹង​ច្បាស់​​ពី​សាវតា​ពិត​ ខ្ញុំរីក​រាយ​នឹង​កែ​តំរូវ ដើម្បី​អោយ​អត្ថ​បទ​មួយ​នេះ កាន់​តែ​មាន​ភាព​សុក្រឹត​ថែម​ទៀត…។ … Continue reading

Gallery

លទ្ធផលបណ្តោះ​អាសន្ន នៃការ​បោះឆ្នោត​ក្រុមប្រឹក្សាឃុំ សង្កាត់​ នៅ​​ស្រុក​​ស្អាង…

This gallery contains 18 photos.

លទ្ធផលបណ្តោះអាសន្ន នៃ​ការ​​បោះឆ្នោតជ្រើស​រើស​​ក្រុមប្រឹក្សា​ឃុំ សង្កាត់ ឆ្នាំ២០១៧ បាន​បង្ហាញថា​ឃុំ​ចំនួន ១២ ក្នុង​ចំនោមឃុំ​ទាំង​ ១៦ របស់​ស្រុក​ស្អាង ត្រូវ​បាន​ចាញ់​សំលេង​ឆ្នោត​គណបក្ស​សង្គ្រោះជាតិ ឡើង​ស្ពឹក​មុខ…។ ឃុំដែល​គណបក្ស​នយោបាយ​​ឈ្នះ​​បាន​ធ្វើ​មេឃុំ…​ ចាប់​ពី​អណត្តិ​នេះ​ទៅ តំនែង​មេឃុំ​របស់​ CPP នៅ​សល់​តែ​ ៤ឃុំ​ប៉ុណ្ណោះគឺ៖ ឃុំកោះអន្លង់ចិន ឃុំកោះខ្សាច់ទន្លា ឃុំក្រាំងយ៉ូវ, និង ​ឃុំប្រាសាទ រីឯឃុំចំនួន ១២​ ដែល​នឹង​ត្រូវ​គ្រប់​គ្រង​ដោយ​មេ​ឃុំ​​មក​ពី CNRP រួមមាន៖ ឃុំខ្ពប ឃុំតាលន់ ឃុំត្រើយស្លា ឃុំស្វាយប្រទាល ឃុំស្វាយរលំ ឃុំសិត្បូ ឃុំរកាខ្ពស់ ឃុំព្រែកគយ ឃុំទឹកវិល ឃុំកោះខែល ឃុំព្រែកអំបិល, និង​ ឃុំស្អាងភ្នំ … Continue reading

Gallery

ស្វាគមន៍ ការវិលត្រឡប់ម្តងទៀត..!!​..

This gallery contains 1 photos.

ដោយសារចង់អោយប្លុក«ឆុកឈែ»ខ្ញុំ មានដំណើរការឡើងវិញ នេះម៉្យាង, ម៉្យាងទៀត ដោយសារ​បច្ចុប្បន្ន មានព្រឹត្តិការណ៍នានា បានកើតមានច្រើនឡើងៗ ស្ទើរតែកត់ត្រា​សឹង​មិន​ទាន់ ទើបខ្ញុំសម្រេចចិត្ត វិលមកប្លុករបស់ខ្ញុំវិញ ក្នុងបំណងធ្វើការកត់ត្រា ទៅតាម​អ្វី​ដែល​ខ្ញុំ​អាច​មើល​ឃើញ និង​កត់ត្រាបាន ដើម្បីជាប្រយោជន៍ ទុក​សម្រាប់​មនុស្សជំនាន់ក្រោយ ងាយស្រួល​ក្នុងការ​សិក្សា​ស្រាវជ្រាវ…។ ក្នុង​ន័យនេះ, ខ្ញុំមិនមានបំណងសូម្បីតែបន្តិច ក្នុងការចង់ក្លាយខ្លួនជា​អ្នក​តាមដាន​​កត់​ត្រា​​ប្រវត្តិសាស្រ្តអីទេ ហើយ​រិតតែចង់ជៀស​អោយ​ឆ្ងាយ​ថែម​ទៀត ពីការចង់​ក្លាយ​ខ្លួន​ទៅ​ជា​ «អ្នកវិភាគ» ដោយ​​ប្រើ​ចុងស្លាបប៉ាកា​នៅ​ទីនេះ​ផង​ដែរ ព្រោះថា កិច្ចការ​ទាំង​ពីរ​នេះ​ប្រៀប​​ដូច​​ជា​​វិញ្ញាសារ​ដើរ​លើ​ខ្សែពួរ​មួយ​អញ្ចឹងៈ បើ​ផ្អៀងទៅស្តាំ នឹងបង្កើតភាព​ជា​អមិត្ត​នៅលើ​បណ្តាញ​សង្គម​ហ្វេសប៊ុក, បើ​ផ្អៀងទៅឆ្វេង ប្រៀបដូច​ជា​ការ​តំឡើង​អង្គប់​សម្រាប់​ដាក់ខ្លួនឯងដែរ..!!… ដោយ​បែបនេះ, តាម​ទស្សនៈដើម «មើលឃើញថា» ​របស់​ប្លុកស្រុកស្រែខ្ញុំ, ខ្ញុំ​ត្រូវ​តែ​ព្យាយាម​​ដើរ​ផ្លូវ​កណ្តាល… គឺថា សំរាប់​គូភាគី​ទាំង​សងខាង បើខ្ញុំលើកជើង ត្រូវ​លើក​មិន​​អោយ«​លេចយីហោ»… ហើយ​បើ​ចង់ «វ៉ៃ»វិញ … Continue reading

Gallery

អតីត​កោះត្រល់, បច្ចុប្បន្ន​ជា​កោះភូគួក​ ​របស់​វៀតណាម ត្រូវ​បានចាត់​​ជា​ “តំបន់ស្វយ័ត”

This gallery contains 1 photos.

ប្រហែលជា​មាន​ជនជាតិកម្ពុជាយើង មិនជា​ច្រើនប៉ុន្មានទេ ដែលដឹងថា អតីត​កោះត្រល់​របស់ខ្មែរ ហើយ​ដែល​បច្ចុប្បន្ន​​មាន​​ឈ្មោះជាផ្លូវការ​ថា កោះភូគួក​ (Phú Quốc) ​​ជា​កម្មសិទ្ធិ​​របស់​ប្រទេស​វៀតណាម​​​ទៅ​ហើយ​នោះ បាន​ក្លាយជា​ដែនដី ឬ «តំបន់ស្វយ័ត» ហើយ កាលពី​ពេល​កន្លង​ទៅ​មុននេះ មិន​ជាយូរ​ប៉ុន្មាន…។ មិនមានឯកសារផ្លូវការណាមួយ ត្រូវបាន​រកឃើញ​ក្នុង​គេហទំព័រ​ផ្លូវការ​របស់​វៀតណាមទេ​ ទាក់ទង​នឹង​ការ​បង្កើត​​ដែនដី​ស្វយ័ត​​​នេះ។ តែការ​ផ្តាច់​កោះ​ភូគួក អោយ​ចេញ​ផុតពី​ដែន​រដ្ឋបាល​គ្រប់គ្រង​​របស់​​ខេត្តហាទៀង ដើម្បី​ក្លាយជា​ដែនដី​ស្វយ័ត គ្រប់គ្រង​ដោយ​ផ្ទាល់​ពីបក្ស​កុម្មុយនីស​វៀតណាមនេះ គឺពិតណាស់, មិន​មែន​​ជា​ការ​ចៃដន្យ​ឡើយ។ តាម​ការ​គិត​លេងៗ​របស់​ខ្ញុំ, ការ​ប្រែក្លាយ​កោះភូគួក អោយ​ទៅ​ជា​ដែនដី​ស្វយ័ត ​គឺ​ជា​យុទ្ធសាស្រ្ត​​ដ៏ល្អឥតខ្ចោះ ដែល​បក្ស និង​រដ្ឋាភិបាល​​ក្រុង​ហាណូយ បាន​គូស​វាស​​ទុកយ៉ាង​ប្រុង​ប្រយ័ត្ន​បំផុត។ អ្វីដែលបក្ស និង​​រដ្ឋាភិបាល​វៀតណាមបាន​ធ្វើ​ទៅលើ​កោះភូគួកនៅ​ពេល​នេះ ប្រហែល​ជា​​ចង់​យក​គំរូតាម​រដ្ឋាភិបាល​​ចិន ដែល​បាន​​អនុវត្តន៍​ទៅ​លើ​កោះ​ហុងកុង បន្ទាប់​ពី​​​បញ្ចប់​ការ​គ្រប់​គ្រង​​របស់​អង់គ្លេស​នៅ​ឆ្នាំ១៩៩៧ ដែរ… នោះគឺ «ច្បាប់ពីរ ក្នុង​របប​គ្រប់គ្រង​តែមួយ»…។ … Continue reading

Gallery

វាត្រូវតែអញ្ចឹង..!!..

This gallery contains 1 photos.

តាមរយៈព័ត៌មាន​នៅលើគេហទំព័ររបស់​កាសែត “យក្សវត្តកោះ” នាព្រឹក​ថ្ងៃទី ១០​មេសា នេះ ដែលនិយាយ​ទាក់ទងនឹងការផ្លាស់ប្តូរ​ក្លោងទ្វារ​អង្គរសង្ក្រាន្ត​ថ្មី ត្រូវបាន​ទទួល​ការ​សាទរពីសាធារណជនទូទៅ ទាំងក្នុង និងក្រៅប្រទេស, សម្រាប់ខ្ញុំ ក៏សូម​ចូល​រួម​ត្រេកអរ ព្រមទាំង​ដូរចិត្ត​ថា នឹង​ទៅ​ចូលរួម​អង្គរសង្រ្កាន្ត​ឆ្នាំនេះដែរ ដែល​កាល​ពី​ពេល​​មុន​នេះ ខ្ញុំគិតថា «ខ្ពើមទៅចូលរួម!»…។ តាមពិតទៅ គឺវាត្រូវតែអញ្ចឹង..!!.. នេះអាចថា ជាដំណោះស្រាយ​មិនអោយបាក់មុខ​ទាំងសងខាង ឬអាចថា ឈ្នះ! ឈ្នះ! សម្រាប់ខ្មែរទាំងអស់​គ្នា…។ គ្មានអ្វីដែល​ដោះ​ស្រាយ​មិន​​ចេញទេ, ប្រសិនបើកុំតាំងចិត្ត​មានះដើម្បី​ដោះ​ស្រាយ​បញ្ហា…។ សង្ឃឹមថា ឆ្នាំនេះខ្ញុំនឹង​បាន​ទស្សនាការប្រកួតអុកចត្រង្គ​នៅមុខអង្គរតូចម្តងទៀត ទាំង​ទឹក​ចិត្ត​សោមនស្ស​រីករាយ​បំផុត…៕ ស្រុកស្រែ

Gallery

គួរប្តូរ ឬកែ​សម្រួល​​ម៉ូត​ក្លោងទ្វារ​អង្គរ​សង្រ្កាន្ត​ ២០១៥ នេះទៅ…

This gallery contains 7 photos.

កម្ទេចផ្កាភ្លើង អាចបង្កជាគ្រោះអគ្គីភ័យបាន…។​ រឿងតូចតាចសោះ តែបើ​មិន​ចេះ​​សម្រប​សម្រួល​បត់បែន​តាម​កាលៈទេសៈ ឬតាម​សភាព​ជាក់​ស្តែង​ទេនោះ ទោះ​តិច​ឬ​ច្រើន វានឹង​បង្ក​នូវ​បញ្ហា​ទៅ​ថ្ងៃ​ក្រោយ​ជា​មិនខាន…។​ តាម​ការ​ស្មាន​ទុក​ជា​មុន, ករណី​ក្លោងទ្វារអង្គរសង្រ្កាន្តដ៏ចម្រូង​ចម្រាសនេះ អាច​នឹង​កើត​មាន​រឿងរ៉ាវ​នា​ពេល​ខាង​មុខ, ប្រសិន​បើ​មិនមាន​ដំណោះ​ស្រាយ​​ផ្លូវ​កណ្តាល​ណា​មួយ អោយ​បាន​ស្ងប់​​ចិត្ត​ទាំង​សងខាង​ទេ​នោះ។ ជាក់ស្តែងថ្មីៗនេះ ក្លោងទ្វារ​មួយត្រូវ​បាន​ទទួល​រង​នូវ​គ្រោះ​អគ្គីភ័យ​ដោយ «ចៃដន្យ (sic!)» បណ្តាល​អោយ​ឆេះនៅ​សល់​តែ​គ្រោង​ឆ្អឹង​​​ប៉ុណ្ណោះ​។ ចុះទំរាំ​ដល់​ថ្ងៃ​ប្រារព្ធពិធី រហូត​ដល់ថ្ងៃ​ចប់, តើ​នឹង​មាន​រឿង​ «ចៃដន្យ» របៀប​នេះ ប៉ុន្មាន​ករណី​ទៀត​ដែល​នឹង​​កើតមាន​​ឡើង?… មិន​មាន​បំណង​អាក្រក់អ្វី​ទេ… ព្រោះថា ​គ្រាន់​តែ​រឿង​តូច​តាច​ប៉ុណ្ណឹង ដោះស្រាយ​មិន​រលូន ហើយថែម​​ទាំង​មានះ ​ពេញ​ចិត្ត​តែ​នឹង​គំនិត​ខ្លួនឯង ដោយ​មិន​ទទួល​យក​នូវ​មតិ​រិះគន់​ស្ថាបនា​ទាល់​តែ​សោះ ដែលទង្វើ​នេះ​ បាន​ធ្វើ​អោយ​ខ្មែរ​យើងទូទៅ​​រង្កៀស​ចិត្ត ហើយ​លែង​​មាន​ចិត្ត​ចង់​ទៅ​ចូល​រួម​​តែ​ម្តង ដោយ​រាប់​ទាំងរូប​ខ្ញុំ​មួយ​ផង​ដែរ…។ អ្វី​ដែល​ខ្ញុំ​ចង់​និយាយ​នៅ​ទីនេះ គឺខ្ញុំគ្រាន់​តែ​ចង់​ទាញ​អារម្មណ៍​សាធារណជន​បន្តិច​ថាៈ ប្រសិនបើក្លោងទ្វារ​ដដែល​នេះ មិន​មាន​ការ​កែប្រែ ឬកែប្រែ​តិចតួច ដែល​មើល​ទៅ​មិន​ចុះ​ភ្នែក​ដដែល​ជា​ដដែល​​ទេ, … Continue reading

Gallery

សម្រាប់​អ្នក​និយម​​ចូលចិត្ត​អាន​សៀវភៅ…

This gallery contains 1 photos.

ទើប​មាន​ឳកាស​ បាន​ចូល​បណ្ណាគារ, ខ្ញុំ​​រើស​​សៀវភៅ​បាន​ ៥-៦ក្បាល គ្រាន់ទុក​​អាន​​កែ​អផ្សុក, កាល​ពី​ម្សិលមិញ…។ ក្នុង​ចំណោមសៀវភៅ​ទាំង​នោះ ខ្ញុំជក់ចិត្ត​ជាងគេ គឺសៀវភៅមួយក្បាល​មាន​ចំណង​ជើង​ថា​៖ «អច្ឆរិយៈ ដាច់ផ្ងារ» ដែល​ប្រែសម្រួល​ដោយ​លោក ប្រាជ្ញ សម្បត្តិ, និង​បោះពុម្ព​ផ្សាយ​នៅ​ឆ្នាំ២០១១ ដោយគ្រឹះស្ថាន IDEA BOOK … ។ សៀវភៅខ្នាតតូច និង​មាន​កម្រាស់ ១៩៧ទំព័រ​នេះ រួមមាន​ ៨០សំណួរ-ចម្លើយ ដែល​ត្រូវ​បាន​ដក​ស្រង់​យក​មក​ពីសំណួរ​​ដ៏​ពេញ​និយម សម្រាប់​ធ្វើ​តេស្ត​​​បុគ្គលិក របស់​ក្រុមហ៊ុន​ធំៗ ក្នុង​ពិភពលោក ដូចជា​ក្រុមហ៊ុន Apple, Google, និង Microsoft ជា​ដើម។ ដូច​អស់​លោក​អ្នក​ជ្រាប​ស្រាប់​ហើយ, បណ្តាក្រុមហ៊ុន​ល្បីៗ ដូច​បាន​រៀប​រាប់​នេះ​ ពួកគេ​ជ្រើស​រើស​យក​តែ​បុគ្គល​រូប​ណា​ដែល​មាន​ភាព​វៃ​ឆ្លាត​ និង​មាន​សមត្ថភាព​​ពូកែ​គិត … Continue reading

Gallery

ស្រែយើង និង​ស្រែគេ..!!..

This gallery contains 24 photos.

ក្នុងដំណើរ​ទៅប្រទេស​វៀត​ណាម​ជើង​នេះ, ខ្ញុំ​ចាប់​អារម្មណ៍​នឹង​ទិដ្ឋភាព​វាល​ស្រែ​នៅ​តាម​ផ្លូវ​ ចាប់​ពីត្រើយ​ខាង​កើត​អ្នកលឿង រហូត​ដល់​ព្រំដែន​បាវិត(ខាងកម្ពុជា​យើង) និង​ចាប់​ពីម៉ុកបាយ រហូត​ដល់​គូជី​(ខាងវៀតណាម) ដែល​មាន​សភាពផ្ទុយ​គ្នា​ស្រឡះ…។ ​ប៉ែក«ខាង​យើង»… ទស្សនីយភាពនៅ​ម្ខាង​ផ្លូវ ដែល​ហាក់​កំពុង​រត់​ថយក្រោយ​ ស្ថិត​ក្រោម​ក្រសែ​ភ្នែករបស់​ខ្ញុំ​ ​គឺជា​វាល​ស្រែក្រោយ​រដូវ​ច្រូត​កាត់រួច ដោយ​បន្សល់​តែ​​​គល់​ជញ្ជ្រាំង មើល​ទៅ​ឃើញ​​ដាច់​កន្ទុយ​ភ្នែក។ «វាល​ស្រែយើង» ​ដែល​មាន​សម្បុរ​ដូចដីឥដ្ឋ​ និង​មិន​មាន​ឃើញ​លាយ​ពណ៌​បៃតងសោះនេះ សូម្បី​តែ​សត្វ​ពាហនៈ ក៏លំបាក​នឹង​ស្វែង​រកស្មៅ​ ដើម្បី​មក​ចម្អែត​ក្រពះ​របស់​ពួក​វា​ប្រចាំ​ថ្ងៃ​​បាន​ដែរ…។ ផ្ទុយទៅវិញ, គ្រាន់​តែ​ឈាន​ជើង​​ចូល​ដល់ប៉ែក​«ខាងគេ»ភ្លាម គឺ​ត្រជាក់​ភ្នែក​តែ​ម្តង…។ ចេញផុតពីម៉ុកបាយទៅ ចាប់​ពីហ្គូយ៉ូវ(Gỗ Dầu) ចាងបាង(Trảng Bàng) គូជី(Củ Chi) គឺ​ជា​ទិដ្ឋភាព​ពណ៌​បៃតងខ្ចី លាត​សន្ធឹង​ដាច់​កន្ទុយ​ភ្នែក។ ទាំងនេះជា «វាលស្រែគេ» មិន​ថា​ជា​រដូវ​ប្រាំង ឬ​រដូវ​វស្សា​។ នេះ​ជា​បច្ចុប្បន្នភាពនៃភាព​ជោគជ័យ​លើ​​​​នយោបាយ​ទឹក របស់​ប្រទេស​វៀត​ណាម​…។ កាល​ខ្ញុំ​រៀន​ថ្នាក់​បឋម​សិក្សា ខ្ញុំ​ទន្ទេញ​យ៉ាង​រត់​មាត់ថាៈ … Continue reading

Gallery

នៅពីក្រោយ​កិច្ចព្រមព្រៀង​ ទទួល​យក​ជន​ភៀសខ្លួន​អូស្ត្រាលី…

This gallery contains 3 photos.

ប្រតិកម្មជា​ទូទៅ, ជា​ពិសេស នៅ​​លើ​បណ្តាញ​សង្គម​ហ្វេសប៊ុក ជុំវិញ​អនុសារណៈ​នៃ​ការ​យោគយល់​គ្នា (MOU) ​ស្តីពី​ការ​ទទួល​យក​ជន​ភៀស​ខ្លួន​អូស្ត្រាលី អោយ​មកតាំង​ទីលំ​​នៅ​លើ​ទឹក​ដី​កម្ពុជា បាន​កើត​ឡើង​យ៉ាង​ផុល​ផុស ចាប់​តាំង​ពី​កិច្ច​ព្រម​ព្រៀង​នេះ ត្រូវ​បាន​ចុះ​ហត្ថលេខា​ដោយ​លោក​ឧបនាយក​រដ្ឋមន្រ្តី ស ខេង តំណាង​អោយ​ភាគី​កម្ពុជា និង​លោក Scott Morrison តំណាង​អោយ​យ​ភាគី​អូស្រ្តាលី កាល​ពី​ថ្ងៃ​ទី ២៦ ខែកញ្ញា កន្លងទៅថ្មីៗ​នេះ…។​ តាម​ពិតទៅ នៅ​ក្នុង​ករណីនៃ​ការ​ទទួល​យក​ជន​ភៀស​ខ្លួន​ពី​ប្រទេស​អូ​ស្រ្តាលី​នេះ ខ្ញុំ​ចាប់​អារម្មណ៍​តាំង​ពី​ដំបូងទី​​មក​ម៉្លេះ, គឺ​ក្រោយ​ពេល​បញ្ចប់​ដំណើរ​ទស្សនកិច្ច​របស់​លោក​ស្រី Julie Bishop នៅ​កម្ពុជា កាល​ពី​អំឡុង​ចុងខែ​កុម្ភះ ឆ្នាំ២០១៤ កន្លង​ទៅ។ អ្វីដែល​ជា​ផ្លែផ្កា​នៃ​ដំណើរ​ទស្សនកិច្ច​​របស់​លោក​ស្រី​រដ្ឋមន្រ្តី​ការបរទេស​អូស្រ្តាលី​រូបនេះ គឺ​ការ​ចរចាដោយ​ជោគជ័យ​លើ​កិច្ច​ព្រមព្រៀង​ក្នុង​តម្លៃ​ទឹក​ប្រាក់ ៤០លាន​ដុល្លារ​អូស្រ្តាលី (ប្រមាណ ៣៥លាន​ដុល្លារ​សហរដ្ឋ​អាមេរិក)​ ជា​ថ្នូរ​នឹង​ការ​យល់​ព្រម​​ពី​កម្ពុជា ក្នុង​ការ​​ទទួល​យក​ជនភៀស​ខ្លួន​ពី​ប្រទេស​អូស្រ្តាលី…។ ​​យោង​តាម​ប្រភព​ព័ត៌មាន​នានា ដែល​បាន​ចុះ​ផ្សាយ​ព្រោង​ព្រាត​កន្លង​មក, … Continue reading